| SweeTa's profile˚◦ஐ˚◦ღ روح الكـويـت ღ˚◦ஐ...PhotosBlogLists |  Tools  Help |
|
˚◦ஐ˚◦ღ روح الكـويـت ღ˚◦ஐ˚◦♡ ♥ (¯`·._.· لــمــســة وطــنــيــة ·._.·´¯)♥ ♡
December 26 فديتكم .. وتأبرونيمساء العسل الصافي .. مساء اللحاف الدافي
وربي وربي لكم وحشة
ادري وعدكم برجعة .. وخيبت ضنكم
بس الوقت لص ماله ميعاد ..
ياخذكم على غفلة
بس بالقلب تضل الذكرى .. وبالعين صورتكم لها نشوى
اوعدكم بالجديد .. والتواصل المفيد
اختكم ..
الجمعية الكويتية للتواصل | والمهارات القيادية | رح رح .. من جديد =) May 04 وحشتوني =) صبحكم الله بالخير .. ومساكم بمثلة
ياربي
ادري ادري اني من زمان مادخلت وكلا كتبت ولا كلمة
بس لازم اقولكم السبب =)
الله يسلمكم ويطول بعمركم دخلت من فترة بدوام بالقطاع الخاص
خاصة بالقطاع المصرفي
يعني حاليا موظفة بأحد البنوك الكويتية
بتعرفونة ؟
  بنك برقان
يعني اذا تبون قرض فيزا شي ماشيات تعالوا عندي
 واعذروني اذا طولت عليكم
 February 10 حياكم =)  مساء الخير ..
حبيت ابشركم بأفتتاح قروب يديدة ..
اسم القروب ..
سما الكويت
ولأستمرار تلقي الايميلات كل اللي عليكم ..
ارسال ايميل فاضي على العنوان هذا ..
وراح يرسلون لكم ايميل ثاني ..
بس عليكم تضغطون ReplaY
وجذي بتكونون مشتركين معانا بالقروب ..
ياريت ترسلون الايميل هذا للي يعز عليكم
مع محبتي لكم ..
روح الكويت
February 04 نهاية .. جحيم
أحببته
نعم لقد فعلت .. أحببته بأعنف انواع الحب
كان هو وهو فقط هوائي ومائي
كان رجلاً ملأ على عواطف الأنثى وحرك مشاعر الحب
كان قد احتواني لبا وقالبا في شرنقة من الحب والحماية
يا الله !! اليست هذه هي الجنه ؟
عندما ينساب صوتة الرجولي العذب الى اذني اشعر بقشعريرة تخطف انفاسي اختطافاً
اشعر بقلبي ينفطر من شده حبي له
أتسأل لماذا احكي لكم حكايتي ؟
اني اشرح لكم رذيلتي .. خطيئتي .. اثمي
لقد سقطت صريعة هواه
سحرني بكلماتة .. بلمساته .. بهمساته ..
وقد كانت جنته هي ناري
هي نهايتي .. لأعيش فيها مجرد .. مرأه أخرى !!
اجل .. انني هي !! المرأه الأخرى !!
نعم .. احببت متزوجا !!!
اليس لهذا السعير من نهاية ؟ January 15 ابونا جابر العود في ذمة الله ببالغ الحزن والاسى نتقدم بالعزاء لحكومتنا الرشيده ولشعب الكويت
جميعا والشعب الخليجي والامه الاسلامية
وفاة صاحب السمو الشيخ جابر الاحمد الجابر الصباح امير دوله الكويت المفدى غفر الله له وتغمده بواسع رحمته وانا لله وانا اليه لراجعون اللَّهُمَّ اغْفِرْ لَهُ ، وارْحمْهُ ، وعافِهِ ، واعْفُ عنْهُ ، وَأَكرِمْ نزُلَهُ ، وَوسِّعْ مُدْخَلَهُ واغْسِلْهُ بِالماءِ والثَّلْجِ والْبرَدِ ، ونَقِّه منَ الخَـطَايَا، كما نَقَّيْتَ الثَّوب الأبْيَضَ منَ الدَّنَس ، وَأَبْدِلْهُ دارا خيراً مِنْ دَارِه ، وَأَهْلاً خَيّراً منْ أهْلِهِ، وزَوْجاً خَيْراً منْ زَوْجِهِ ، وأدْخِلْه الجنَّةَ ، وَأَعِذْه منْ عَذَابِ القَبْرِ ، وَمِنْ عَذَابِ النَّار January 12 `·.·• ( من عاشر قوماً .. !! ) •·.·°  صبحكم الله بالخير .. ومساكم بمثلة .. ايه انا من زمان عن السوالف  اليوم بغيت اختبر صحة المثل اللي يقول .. من عاشر قوماً اربعين يوماً صار منهمٌ  اللي يعرفني عدل مدل .. يعرف عشقي وقدسيتي لشي اسمه نوووووم متولعة بالنوم .. وحياتي شي اسمه تشرقد وتسدح   المهم ....عندي قطوة ذكر بالبيت .. ومربيتها من يوم عمرها شهر واحد .. شنو الفكرة والحكاية الحين !!! واللي يعرف للقطط .. يدري ان الذكر مايقعد .. ودوم يركض ويلعب .. وهذا كان حال مشمش .. بس مع الوقت .. تغير الحال .. ماقمت انسدح او انا بمكان الا الأخ ينسدح على دماغي !! ايه على راسي واذا مو على راسي يمي ولا الحلو هذه الأيام طالع له طلعة .. على باله كاسكو يقعد على كتفي !!!  وبما ان ماقدر اصور روحي لأسباب امنية  قررت اصور لكم مشمش ببعض حالات انسداحاته العجيبة  وقولولي رايكم   بالصورة هذه مشمش مقرر ان سريري احسن موقع للنوم !!!  وهني مكاني المفضل اللي اشوف فيه تلفزيون بغرفتي .. ويلاحظ احتلال الحبيب مشمش للصوفا !!  .... قررت انحاش وانزل تحت بالصالة .. وشوفوا الحلو شلون قرر ينسدح عندي  الصراحة السدحة هذه لا تعليق شرايكم بالقطوة العجيبة اللي عندي  December 29 جنابها .. وجنابي  مساكم الله بالخير .. وصبحكم بمثلة
اليوم عندي لكم سالفة ممكن تعتبرونها من غرائب عالم النت .. ومن الأشياء المتوقعة بديرة صغنونة مثل حبيبتنا الكويت
الله يسلمكم هذه القصة من طأ طأ لين سلام عليكم
في يوم من الأيام دشيت سبيس اخونا في الله فيصل :)
المهم كان كاتب عن سبيس ينصح بزيارتة ويمدح صاحبة السبيس
وبما ان المدح على ودنوه قررت ادخل السبيس
وفعلا حبيت كل المواضيع وصرت ارد على البلوقات العتيجة بعد
ياربي حبيت الأنسانة هذه
المهم .. مع الايام تطورت لين المسنجر سوالفي معاها
ومع الأيام اعزمتني على جمعية اجتماعية تثقيفية تعتبر هي من مؤسسينها
وللأسف نمت نومة قهر وراح على الموعد
بالفترة هذه تبادلنا ارقام التلفونات
 ودردشنا دردشة طويلة اكتشفنا فيها ان لنا بعض صلات المعرفة
حيث انها تعرف بنت عمتي الله يحفظ المحبة يا رب
 وطول الفترة هذه مايت الفرصة وشفنا بعض
 وفي يوم بارد جدا جدا جدا جدا
كنت رايحة الممشى على البحر بروحي
وميته من البرد
قررت اتصل عليها اطفرها شوي
وكانت الحبيبة تتنعم بدفأ البيت وتطفرني انا المسكينة اللي قاعدة بزمهرير البرد
 المهم اذكر اني قتلها الجملة هذه (( اتمنى انا حضرة جنابي ان حضرة جنابج تيين تمشين معاي عشان تجربين البرد اللي انا فيه ))
المهم اضحكت على وقررت ان ماعندي سالفة طالعة بالبرد هذا في سبيل الضعف والرجيم
 وفجأه اطلبت عنوان بيتنا
 وكان قرار ثوري وليد اللحظة انها بتمرني بعد شي ساعة عشان نتشرف ثنتيناتنا بشوفة جناباتنا
 المهم ... وصلت عندي البيت
وكانت صديقتي الصدوق معاي بعد
وفعلا فعلا فعلا .. البنت تنحط على الجرح يبرى
والبنت حدها ذوق ياربي
تخيلوا يايبه جنابها لجنابي بوكية ورد والله الحين صار له ثلاث ايام بالغرفة وريحة الورد ماليتها
 حبيت بالبلوق هذا اشكرها على ذوقها .. اقولها زنكوك صج تشرفت بمعرفتج .. واتمنى ان فعلا نضل خوات لأبد الدهر
طبعا عرفتوا الحين ان بطلة قصتي هذه زنكية :)
او حضرة جنابها زنكية هانم
وهذا الكرت اللي كان على الباقة
  |
|||||
|
|
